• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ثانوی تعلیمی بورڈ کراچی، دہم جماعت سائنس گروپ کے نتائج کا اعلان

آج کا اخبار
اہم خبریں
14 اگست ، 2025
کراچی ( اسٹاف رپورٹر ) ثانوی تعلیمی بورڈ کراچی نے سالانہ امتحانات دہم جماعت سائنس گروپ برائے سال 2025کے نتائج کا اعلان کر دیا ہے۔ اس سال سائنس گروپ کے امتحانات میں 173738 امیدوار رجسٹرڈ ہوئے اور172391امیدوار امتحانات میں شریک ہوئے جبکہ1347 امیدوار غیر حاضر رہے اور 27244امیدوار فیل قرار پائے۔اس سال سائنس گروپ میں مونٹیسوری کمپلیکس ہائی اسکول 13-D1گلشن اقبال کی عینا فاروقی ولد سلمان احمدفاروقی رول نمبر 441597 کے ساتھ 94.73 فیصد نمبر حاصل کر کے پہلی پوزیشن، اسی طرح پائنیر گرامر سیکنڈری اسکول اسلام نگر اورنگی ٹاؤن کی وانیہ نور ولد محمد اللہ رول نمبر 490623 کے ساتھ 94.09 فیصد نمبر حاصل کر کے دوسری پوزیشن جبکہ تیسری پوزیشن کیلئے دو طلبہ جن میں سول ایوی ایشن ماڈل اسکول ایئر پورٹ کے سید اذکار حسین رضوی ولد سید ریاض امام رضوی نے رول نمبر 319856 کے ساتھ 94فیصداور دی اسمارٹ اسکول رفاع عام کیمپس ملیر ہالٹ کی عمائمہ ظفر ولد محمد عرفان رول نمبر 457726 کے ساتھ 94 فیصد نمبر حاصل کئے۔ تفصیلات کے مطابق سائنس گروپ کے امتحانات میں 90740طلباء اور82998طالبات شامل ہوئے جبکہ کامیابی کا تناسب 83.93فیصد رہا۔ کامیاب امیدواروں میں 30154اے ون گریڈ،50346 اے گریڈ،39691 بی گریڈ،20614 سی گریڈ، 3841 ڈی گریڈاور35 نے ای گریڈ حاصل کیا۔
اہم خبریں سے مزید