• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سپریم کورٹ کا سابق ججز کے انتقال پر جامع پروٹوکول پرعملدرآمد کا حکم

آج کا اخبار
اہم خبریں
17 اگست ، 2025
اسلام آباد (پی پی آئی) سپریم کورٹ آف پاکستان نے سابق ججز کے انتقال پر جامع پروٹوکول پر فوری اور سختی سے عمل درآمد کا حکم دیا ہے۔ جنوری 2025 میں متعارف کرایا گیا یہ پروٹوکول جنازے، تدفین اور پھول چڑھانے کے طریقہ کار کی تفصیل بیان کرتا ہے، تاکہ ان کی خدمات کے مطابق احترام سے الوداع کو یقینی بنایا جا سکے۔ ان ضوابط کا مقصد سوگوار خاندانوں کو ہمدردانہ تعاون فراہم کرنا اور عدلیہ کے سابق ارکان کو عزت دینے کے عزم کو اجاگر کرنا ہے۔ اسلام آباد میں ایک نامزد فوکل پرسن، جو عام طور پر ڈپٹی رجسٹرار (متفرقات) ہوتا ہے، عملدرآمد کی نگرانی کریگا۔ دیگر علاقوں میں، نامزد پروٹوکول افسران یہ فرائض انجام دیں گے۔
اہم خبریں سے مزید