• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

منی لانڈرنگ کیس، پرویز الٰہی کی عدم پیشی پر عدالت برہم، وارنٹ جاری

آج کا اخبار
اہم خبریں
19 اگست ، 2025
لاہور (نیوزایجنسیاں) لاہور کی اسپیشل سینٹرل عدالت نے سابق وزیراعلی پنجاب چوہدری پرویز الٰہی کے قابل ضمانت وارنٹ گرفتاری جاری کر دیئے، عدالت نے پرویز الٰہی کے پیش نہ ہونے پربرہمی کا اظہار کرتے ہوئے پرویز الٰہی کی ایک روزہ حاضری معافی کی درخواست خارج کر دی۔اسپیشل سینٹرل عدالت کے جج محمد عارف خان نیازی نے منی لانڈرنگ کے مقدمے کی سماعت کی۔دوران سماعت پرویز الٰہی کے وکیل نے ایک روزہ حاضری معافی کی درخواست دائر کی اور موقف اختیار کیا کہ پرویز الٰہی بیمار ہیں، ڈاکٹرز نے آرام کا مشورہ دیا ہے، عدالت حاضری سے ایک دن کا استثنیٰ دے۔ عدالت نے ایک روزہ حاضری معافی کی درخواست پر اظہار ناراضگی کیا اور پرویز الٰہی کی ایک روزہ حاضری معافی کی درخواست خارج کرتے ہوئے قابل ضمانت ورانٹ گرفتاری جاری کر دیئے۔یاد رہے کہ ایف آئی اے لاہور نے پرویز الٰہی سمیت دیگر کے خلاف نامکمل چالان جمع کروا رکھا ہے۔
اہم خبریں سے مزید