• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سریاب، صدر، سٹی اور کچلاک میں 30 دکاندار گرفتار،10 دکانیں سیل

میرا شہر
کوئٹہ
20 اگست ، 2025
کوئٹہ (اسٹاف رپورٹر)ضلعی انتظامیہ کا سریاب، صدر، سٹی اور کچلاک میں پرائس کنٹرول کے تحت کاروائیاں 30 دکاندار گرفتار ،10 دکانیں سیل اور 14 کو جیل بھیج دیا گیا تفصیلا تکے مطابق ڈپٹی کمشنر کوئٹہ مہر اللہ بادینی کی ہدایت پر اسپیشل مجسٹریٹ حسیب سردار نے نواں کلی ، عالمو چوک اسپیشل مجسٹریٹ عزت اللہ نے سب ڈویڑن سریاب کے مختلف علاقوں میںاسپیشل مجسٹریٹ لیاقت علی جتوئی نے گوالمنڈی چوک، طوغی روڈ اور دیگر علاقوں میں پرائس کنٹرول کے تحت کارروائیاں کرتے ہوئے تندوروں، قصابوں،دودھ کی دکانوں اور جنرل اسٹورز سمیت 110دکانوں کا معائنہ کیا گیا۔ اس موقع پر خلاف ورزی کرنے پر 30 دکانداروں کو گرفتار ،10 دکانیں سیل اور 14 افراد کو جیل بھیجا گیاجبکہ 25 دکانداروں کو 50 ہزار روپے کے مجموعی جرمانے عائد کیے گئےاس حوالے سے ضلعی انتظامیہ کا کہنا ہے کہ عوام کو ریلیف فراہم کرنے اور ناجائز منافع خوری کے خاتمے کے لیے یہ کارروائیاں جاری رہیں گی۔
کوئٹہ سے مزید