• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

غیر قانونی اور بغیر کاغذات والے 11رکشے تحویل میں لے لئے گئے

میرا شہر
کوئٹہ
20 اگست ، 2025
کوئٹہ (اسٹاف رپورٹر)غیر قانونی اور بغیر کاغذات والے رکشوں کے خلاف کریک ڈاؤن 11رکشے تحویل میں لے لئے تفصیلات کے مطابق عدالت عالیہ کے احکامات اور کمشنر / چیئرمین آر ٹی اے کوئٹہ ڈویژن کی ہدایت پر سیکرٹری آر ٹی اے کوئٹہ ڈویژن ظہور احمد بلوچ کی کی سربراہی میں ٹریفک پولیس سریاب سرکل اور آر ٹی اے کوئٹہ کی ٹیم نے بی ایم سی اسپتال، بروری روڈ کے قریب چلنے والے غیر قانونی اور بغیر کاغذات والی رکشوں کے خلاف کارروائی کرتے ہوئے کاغذات کی عدم موجودگی پر موٹر وہیکل آرڈیننس 1965 کے سیکشن 115 کے تحت 11 غیر قانونی رکشے تحویل میں لے لئے۔جبکہ ٹریفک قوانین کی خلاف ورزی پر مزید 04 رکشوں کے چالان بھی کیے گئے۔سیکرٹری آر ٹی اے کوئٹہ ڈویژن ظہور احمد بلوچ نے کہا کہ غیر قانونی اور بغیر کاغذات والی گاڑیوں کے خلاف کارروائیاں آئندہ بھی بلا امتیاز جاری رہیں گی تاکہ عوام کو بہتر اور محفوظ سفری سہولیات فراہم کی جا سکیں۔
کوئٹہ سے مزید