فرمان الہی
نماز کے اوقات
کراچی (اسٹاف رپورٹر) بگ بیش لیگ کے دوران ایک بار پھر پاکستانی کرکٹ شائقین کیلئے الگ اسٹینڈ بنانے کا فیصلہ کیاہے۔کرکٹ آسٹریلیا کے مطابق میلبرن کرکٹ گراؤنڈ میں پاکستانی کرکٹ فینز کے لیے ایک اسٹینڈ مخصوص کیا جائے گا، اسے ہاؤس آف رؤف کا نام دیا جائے گا۔ جی ایم میلبرن اسٹارز میکس ایبٹ کا کہنا ہے کہ ہاؤس آف رؤف بنانے کا مقصد پاکستانی شائقین کی توجہ حاصل کرنا ہے، ہم چاہتے ہیں کہ پاکستانی فینز آئیں اور ہمارے میچز میں لطف اندوز ہوں، اپنی ثقافت کو اجاگر کریں۔ ان کا کہنا ہے کہ حارث رؤف میلبرن اسٹارز کے زبردست ایمبیسیڈر ہیں، ہم منتظر ہیں کہ پاکستان کا پرجوش کراؤڈ آئے اور میلبرن اسٹارز کو سپورٹ کرے۔ پاکستانی کرکٹرز کے لیے آنے والے پاکستانی فینز کی وجہ سے ایم سی جی میں دلکش ماحول پیدا ہوتا ہے۔
