فرمان الہی
نماز کے اوقات
لندن ( شہزاد علی ) پاکستان ہائی کمیشن لندن میں’’مینگو فیسٹیول‘‘ کا شاندار انعقاد کیا گیا جس میں نامور گلوکار عارف لوہار نے بطور مہمان خصوصی شرکت کی۔
تقریب میں سفارت کاروں، برطانیہ حکومت کے اعلیٰ حکام، پاکستانی کمیونٹی کی ممتاز شخصیات اور میڈیا کے نمائندوں نے بڑی تعداد میں شرکت کی۔
ہائی کمشنر ڈاکٹر محمد فیصل نے تقریب سے خطاب کرتے ہوئے کہا کہ پاکستان میں کاشت کیے جانے والے آم ہماری زرعی زرخیزی اور محنت کی نمایاں مثال ہیں۔
انہوں نے کہا کہ پاکستانی آم اپنی منفرد خوشبو اور ذائقے کی بدولت دنیا بھر میں پاکستان کی پہچان بنا ہوا ہے۔
شرکاء نے آم سے تیار کردہ مشروبات، شیک، کسٹرڈز، پیسٹری اور کیک سمیت مختلف اقسام کا ذائقہ چکھا اور پاکستانی آم کی لذت کو سراہا۔
تقریب کے موقع پر بتایا گیا کہ پاکستان کے آم کی 200 سے زائد اقسام دنیا بھر میں برآمد کی جاتی ہیں جو اپنی اعلیٰ کوالٹی اور منفرد ذائقے کی وجہ سے عالمی سطح پر مقبول ہیں۔
