• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاک فوج قومی استحکام کا ستون اور دوستی و تعاون کی مضبوط محافظ ہے، چینی وزیر خارجہ

آج کا اخبار
اہم خبریں
25 اگست ، 2025
اسلام آباد (ایجنسیاں)چین کے وزیرخارجہ وانگ ژی کا کہنا ہے کہ پاکستانی فوج قومی استحکام کا ستون‘پاک چین دوستی اور تعاون کی مضبوط محافظ ہےجبکہ فیلڈمارشل عاصم منیر نے کہاکہ پاک چین اسٹریٹجک شراکت داری چٹان کی طرح مضبوط ہے‘چین کے ساتھ دوستانہ تعلقات قائم رکھنا پورے پاکستانی قوم کا متفقہ موقف ہے ۔وانگ ژی کی فیلڈ مارشل سے اہم ملاقات پر چین کی وزارت خارجہ سے جاری بیان کے مطابق وانگ ژی نے کہاکہ پاکستانی فوج نے ہمیشہ دونوں ممالک کی قیادت کے درمیان طے پانے والے اہم اتفاقِ رائے پر عمل درآمد کی بھرپور حمایت کی ہے‘دنیا میں پیدا ہوتے غیر یقینی حالات میں مضبوط پاک چین تعلقات کو فروغ دینا علاقائی امن و استحکام کے لیے نہایت سود مند ہے‘چین نے ہمیشہ اپنی پڑوسی سفارت کاری میں پاکستان کو اولین ترجیح دی ہے‘ وقت کے کڑے امتحانات کے باوجود ہمارے دو طرفہ تعلقات مزید مضبوط ہوئے ہیں‘دونوں ممالک ایک مضبوط روایتی دوستی قائم کر چکے ہیں‘چین پاکستان کی علاقائی سالمیت اور قومی سلامتی کے تحفظ میں بھرپور تعاون جاری رکھے گا‘چین عالمی امور میں پاکستان کے بڑے کردار کا خیرمقدم کرتا ہے ۔
اہم خبریں سے مزید