فرمان الہی
نماز کے اوقات
چترال (اے پی پی)وزیراعلی خیبر پختونخوا علی امین گنڈ اپورکی خصوصی ہدایات پر خیبر پختونخوا کلچراینڈٹورازم اتھارٹی کے زیراہتمام ہندوکش پہاڑی سلسلہ کی بلند ترین چوٹی تریچ میر پاکستانی کوہ پیمائوں نے پہلی مرتبہ سر کرلی۔ ڈائریکٹر ایڈمن اینڈ فنانس خیبر پختونخوا کلچراینڈ ٹورازم اتھارٹی عمر ارشد خان کی زیر قیادت جانے والے پاکستانی کوہ پیماں کی ٹیم میں گلگت بلتستان سے تعلق رکھنے والے دو کوہ پیما سرباز خان اور عابد بیگ 7ہزار 708میٹر بلند ترین چوٹی سر کرنے میں کامیاب ہوسکے جبکہ سخت موسمی صورتحال اور برفانی طوفان کے باعث کوہ پیماں پر مشتمل دیگر 5 کوہ پیما 7 ہزار300 میٹر کی بلندی تک محدود رہے۔ تاہم سات افراد پر مشتمل کوہ پیماں نے 7 ہزار میٹر کا فاصلہ سر کرنے کا اعزاز اپنے نام کرلیا۔ کوہ پیماں میں سرباز خان، عابد بیگ، عمر ارشد خان، ڈاکٹر نوید اقبال، میجر محمد عاطف، شمس القمراور اکمل نوید شامل تھے جبکہ ان کے ہمراہ انتہائی بلندی پر سپورٹ فراہم کرنے والے (ہائی ایلٹی چیوڈ) پورٹرز حسن، شہزاد، یونس اور عارف شامل تھے۔جن کا 8 ہزار میٹر کی بلندی کا کافی تجربہ ہے۔ ڈائریکٹر ایڈمن اینڈ فنانس خیبرپختونخوا کلچراینڈٹورازم اتھارٹی عمر ارشد خان نے گفتگو کرتے ہوئے کہاکہ آج تاریخ رقم ہوئی ہے اور تریچ میر چوٹی سر کرنے کے بعد دنیا سے لوگ اب خیبرپختونخوا اور چترال وادی کا رخ کرینگے۔ تریچ میر چوٹی ہندوکش پہاڑی سلسلہ کی بلند ترین چوٹی ہے۔
