• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

شناختی کارڈز کیلئے ایم آر ویز کی تعیناتی کو آسان بنانا ضروری ہے، ووٹر ایجو کیشن کمیٹی

میرا شہر
کوئٹہ
27 اگست ، 2025
کوئٹہ(اسٹاف رپورٹر) الیکشن کمشنر بلوچستان کے آفس میں صوبائی ووٹر ایجو کیشن کمیٹی کا ایک اہم اجلاس ہوا ،جس کی صدارت صوبائی الیکشن کمشنر بلوچستان علی اصغر سیال نے کی۔ اجلاس میں نادرا، یونیور سٹیز، میڈیا، سوشل ویلفیئر ڈیپارٹمنٹ اور سول سوسائٹی آرگنائزیشنز کے نمائندوں نے شرکت کی۔ اجلاس میں بلوچستان کے مختلف اضلاع کی ڈسٹرکٹ ووٹر ایجو کیشن کمیٹی کی جانب سے پیش کی گئی تجاویز اور در پیش مسائل زیر بحث آئے۔ اجلاس کے شرکاء نے انتخابی عمل میں زیادہ سے زیادہ لوگوں کی شرکت یقینی بنانے کیلئے مختلف تجاویز دیں۔ انہوں نے کہا کہ خواتین کے شناختی کارڈز کے اجراء کیلئے مختص ایم آر ویز کی تعیناتی کے طریقہ کار کو مزید آسان بنانے کی ضرورت ہے۔ انہوں نے یہ بھی تجویز دی کہ زیادہ سے زیادہ نوجوانوں کی جمہوری عمل میں شمولیت سے جمہوری نظام مزید مستحکم ہو گا اجلاس میں تجویز دی گئی کہ یونیورسٹی، کالج اور اسکولوں کی سطح پر منظم اور جامع سیمینار منعقد کئے جائیں۔ شرکاء نے مزید کہا کہ معاشرے کے محروم طبقات سے تعلق رکھنے والے افراد کا مستند ڈیٹا اکٹھا کیا جائے تاکہ منظم اور ٹھوس حکمت عملی تیار کی جاسکے۔ صوبائی الیکشن کمشنر بلوچستان نے تمام شرکاء کی جامع تجاویز کو سراہا اور ان کی شرکت پر ان کا شکر یہ ادا کیا۔
کوئٹہ سے مزید