• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

صحابہ کرام کی محبت اور عقیدت ایمان کا حصہ ہے، سنی علماء کونسل

میرا شہر
کوئٹہ
26 اگست ، 2025
کوئٹہ (آن لائن)سنی علما کونسل کوئٹہ صدر علامہ عبد الرحیم ساجد،جنرل سیکرٹری قاری ایوب معاویہ،مولانا مقبول شاہ،مولانا ایوب انصاری ،مولانا فضل صدیقی ،قاری نذیر احمد فاروقی،محمد آصف مینگل،شکیل احمد گجر،میرعبدالمالک،مولانا عبد الرازق،و دیگر نے اپنے بیان میں کہاکہ صحابہ کرام ہمارے ایمان کا لازمی جز ہیں، ان کی محبت اور عقیدت ایمان کا حصہ ہے۔مزید انہوں نے کہا کہ حضور نبی کریم ﷺ کے صحابہ دین کے سچے علمبردار اور ہدایت کے مینار ہیں۔ جنہوں نے اپنی جان، مال اور اولاد سب کچھ قربان کر کے دین اسلام کی آبیاری کی۔ صحابہ کرام کی بدولت آج ہمارے پاس قرآن و سنت اپنی اصل شکل میں محفوظ ہے۔جو شخص صحابہ کرام کی عظمت کو دل سے تسلیم نہیں کرتا اس کا ایمان مکمل نہیں ہوتا۔ انہوں نے کہا کہ صحابہ کرام کے بارے میں زبان درازی کرنے والے دراصل ایمان سے محروم ہیں۔ صحابہ کرام کی محبت کو دلوں میں راسخ کرنے کے لئے دینی اجتماعات، دروس اور تقاریر کا اہتمام کیا جائے گا تاکہ نوجوان نسل کو اسلاف کے روشن کردار سے روشناس کرایا جا سکے۔آخر میں ملک و ملت کی سلامتی، دین اسلام کی سربلندی اور صحابہ کرام کے دشمنوں کے مقابلے میں استقامت کی دعا کرتے ہیں۔
کوئٹہ سے مزید