• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

تاریخ شہید نواب بگٹی کو ہمیشہ یاد رکھے گی، علی احمد لانگو

میرا شہر
کوئٹہ
26 اگست ، 2025
کوئٹہ(اسٹاف رپورٹر)نیشنل پارٹی کے مرکزی انفارمیشن سیکرٹری علی احمد لانگو نے کہا ہے کہ تاریخ شہید نواب اکبر خان بگٹی کو ہمیشہ زندہ و جاوید رہنما کے طور پر یاد رکھے گی ، 26 اگست ہمیں یہ باور کراتا ہے کہ طاقت اور بندوق نے بلوچستان کو خون آلود ضرور کیا لیکن مسائل حل نہیں کیے ۔ شہید نواب اکبر خان بگٹی کی برسی کے موقع پر بیان میںانہوں نے کہا کہ قومیتوں کے وجود سے انکار اور ان پر طاقت کے استعمال نے ہمیشہ نفرت ، دوری اور بگاڑ کو جنم دیا ہے ۔ انسانی تاریخ گواہ ہے کسی بھی قوم کو طاقت اور جبر کے ذریعے ختم نہیں کیا جاسکتا ۔ انہوں نے کہا کہ بلوچستان میں قومی وسائل کی لوٹ مار اور قومی وجود سے انکار کی منفی پالیسیوں کے باعث ظلم و ناانصافی کی بدترین شکلیں پروان چڑھیں ، سیاسی کارکنوں کو ماورائے آئین و قانون لاپتہ کرنا اور ان کی لاشیں پھینکنا ایسے اقدامات ہیں جنہوں نے آئین اور جمہوری اداروں پر عوامی اعتماد کو کمزور کیا ۔ بلوچستان کا مسئلہ دراصل سیاسی ہے اور سیاسی مسائل ہمیشہ سیاسی بات چیت ، مذاکرات اور باہمی احترام پر مبنی عمل کے ذریعے ہی حل کیے جاسکتے ہیں۔
کوئٹہ سے مزید