• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پروفیسر ڈاکٹر جان محمد کی زیر صدارت گوادر یونیورسٹی میں چار فیکلٹیز کا مشترکہ اجلاس

میرا شہر
کوئٹہ
30 اگست ، 2025
کوئٹہ (اسٹاف رپورٹر)جامعہ گوادر میں فیکلٹی آف مینجمنٹ سائنس، کامرس و سوشل سائنسز اور فیکلٹی آف سائنس، انجینئرنگ و ٹیکنالوجی کے بورڈز کا مشترکہ اجلاس بلاک I کے سیمینار ہال میں منعقد ہوا۔ جس کی صدارت پروفیسر ڈاکٹر جان محمد، ڈین فیکلٹی آف مینجمنٹ، کامرس و سوشیل سائنسز نے کی،اجلاس میں سینئر فیکلٹی ممبران، ڈیپارٹمنٹ چیئرمینز اور مختلف شعبوں کے اساتذہ نے شرکت کی۔ اجلاس کا مرکزی ایجنڈا مختلف شعبہ جات کے تیار کردہ ویژن اور مشن سٹیٹ منٹس کا جائزہ اور منظوری شامل تھا۔ چیئرمین نے اس بات پر زور دیا کہ ہر شعبے کے مقاصد کو جامعہ کے مجموعی وژن و مشن سے ہم آہنگ کیا جائے۔ بورڈ نے ان مسودوں کو عارضی طور پر منظور کیا اور اساتذہ کو ایک دوسرے کے ڈرافٹس پر تنقیدی نظر ڈالنے اور بہتری کے لیے تجاویز دینے کی ہدایت کی۔ مزید یہ طے پایا کہ شعبہ جات اپنے نظرثانی شدہ وژن و مشن اسٹیٹمنٹس کو حتمی منظوری کے لیے متعلقہ بورڈ آف اسٹڈیز میں جمع کرائیں گے۔اجلاس میں ایک اور اہم نکتہ برجنگ (متوسط) سیمسٹر کے کورسز کی نشاندہی تھا۔ بورڈ نے مختلف شعبہ جات کی تجاویز کا تفصیلی جائزہ لیا گیااور اتفاق کیا کہ ضرورت پڑنے پر طلبہ کی تعلیمی کمی کو پورا کرنے کے لیے منظور شدہ بنیادی مضامین کی فہرست میں سے ڈفیشنسی کورسز شامل کیے جائیں گے۔ یہ فیصلہ کیا گیا کہ یہ عمل ہر کیس کی بنیاد پر ڈیپارٹمنٹل سیمسٹر کمیٹیاں (DSCs) انجام دیں گی۔یہ اجلاس تعلیم، مینجمنٹ سائنسز، کامرس، انگلش، اکنامکس، کیمسٹری اور کمپیوٹر سائنس سمیت کئی شعبوں کے تعلیمی معاملات کو یکجا کرتا ہے، جو جامعہ گوادر کے تعاون پر مبنی فیصلہ سازی اور بہترین تعلیمی کارکردگی کے عزم کا عکاس ہے۔
کوئٹہ سے مزید