• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کچے کے لوگ محفوظ مقامات پر منتقل ہوجائیں، شرجیل انعام میمن

آج کا اخبار
اہم خبریں
03 ستمبر ، 2025
پڈعیدن ( نامہ نگار )سندھ کے سینئر وزیر اور صوبائی وزیر برائے اطلاعات، ٹرانسپورٹ و ماس ٹرانزٹ شرجیل انعام میمن نے کچے کے عوام سے اپیل کی ہے کہ وہ فوری طور پر اپنے رشتہ داروں کے پاس یا حکومت سندھ کے قائم کردہ ریلیف کیمپس اور دیگر محفوظ مقامات میں منتقل ہو جائیں۔ انہوں نے کہا کہ ملک بھر میں سیلاب نے گلگت بلتستان، خیبرپختونخوا اور پنجاب سمیت مختلف علاقوں میں شدید تباہ کاریاں مچائی ہیں، اور اب یہ ریلا صوبہ سندھ میں داخل ہونے والا ہے۔ایک بیان میں شرجیل انعام میمن کا کہنا تھا کہ حکومت سندھ نے صورت حال سے نمٹنے کے لئے مکمل اقدامات کر رکھے ہیں اور وزیراعلیٰ سندھ کی خصوصی ہدایات پر تمام وزراء اور متعلقہ ادارے متحرک ہیں۔انہوں نے کہا کہ کچے کے عوام کے پاس بہت کم وقت رہ گیا ہے، اس لیے بروقت محفوظ مقامات پر منتقل ہونا ضروری ہے تاکہ کسی بڑے نقصان سے بچا جا سکے۔
اہم خبریں سے مزید