فرمان الہی
نماز کے اوقات
کراچی(اسٹاف رپورٹر) پاکستان پیٹرولیم لمیٹڈ نے پنجاب کے ضلع اٹک میں تیل و گیس کی بڑی دریافت کا اعلان کیا ہے، اس کنویں سے یومیہ 1,469 بیرل تیل اور 2.56 ایم ایم سی ایف گیس حاصل ہو گی، پاکستان پٹرولیم لمیٹڈ (پی پی ایل) اعلامیہ میں کہا گیا ہے کہ ملک کی معروف ایکسپلوریشن اینڈ پروڈکشن کمپنی صوبہ پنجاب کے ضلع اٹک میں واقع ڈھوک سلطان-03 کنویں میں تیل اور گیس کی اہم دریافت کااعلان کرتی ہے۔ ڈھوک سلطان بلاک میں ہونے والی تاریخی دریافت نہ صرف پی پی ایل اور اس کے شراکت دار گورنمنٹ ہولڈنگز پرائیویٹ لمیٹڈ (جی ایچ پی ایل) کے لیے ایک اہم سنگ میل ہے، بلکہ پوٹوار خطے میں قدرتی طور پر فریکچرڈ کاربونیٹ میں تیل کی دوسری گہری دریافت ہے جو کمپنی کے عملے کی مہارت اور تکنیکی بالادستی کو ظاہر کرتی ہے۔ یہ دریافت ارضیاتی، جیوطبیعاتی اور ریزروائر انجینئرنگ ڈیٹا کے تجزیوں اورانظمام کا نتیجہ ہے۔ جس سے کنویں کے ڈیزائن کو بہتر بنا کر کھدائ کی دشواریوں پر قابو پایا گیا، ساتھ ہی وقت اور لاگت کی بچت ہوئی ۔ پی پی ایل نے ڈھوک سلطان بلاک میں آپریٹر کی حیثیت سے 75 فیصد اور جی ایچ پی ایل 25 فیصد کاروباری شراکت کے ساتھ 18جنوری 2025 کو ڈھوک سلطان-03 کی کھدائ کا آغاز کیا۔ 5،815 میٹر کی گہرائی تک کھدائی کی گئی۔
