فرمان الہی
نماز کے اوقات
شارجہ (نمائندہ خصوصی) حنیف محمد ٹرافی گریڈ ٹو کرکٹ ٹورنامنٹ کے دوسرے راؤنڈ کے دوسرے دن ملتان کے امام الحق ڈیرہ مراد جمالی کے خلاف 176 رنز پر ناٹ آؤٹ ہیں۔ انہوں نے زین عباس کے ساتھ پہلی وکٹ پر 190 رنز بنائے ۔ زین عباس 81 رنز پر آؤٹ ہوئے۔ عمران رفیق 70 رنز پر ناٹ آؤٹ ہیں۔ کراچی وائٹس کے سعد بیگ اور جہانزیب سلطان نے کوئٹہ کے خلاف 212 رنز کی اوپننگ پارٹنرشپ قائم کی۔ جہانزیب سلطان118 اور سعد بیگ146 رنز بناکر آؤٹ ہوئے۔ سعد بیگ نے حیدرآباد کے خلاف 190 رنز بنائے تھے۔ محمد طحہ 52 رنز بناکر آؤٹ ہوئے ۔ محمد عثمان 70 رنز پر ناٹ آؤٹ ہیں۔ حیدرآباد نے لاہور بلوز کے خلاف پہلی اننگز میں524 رنز بنائے ۔ سعد خان نے 30 چوکوں کی مدد سے175 رنز بنائے۔ فاٹا کے خلاف کراچی بلوز کے دانش عزیز نے آل راؤنڈ کارکردگی دکھائی ۔ پہلی اننگز میں 40 رنز دے کر5 وکٹیں حاصل کرنے کے بعد انہوں نے کراچی بلوز کی دوسری اننگز میں 56 رنز اسکور کیے۔ لاڑکانہ کی ٹیم راولپنڈی کے خلاف 160 رنز پر آؤٹ ہوگئی ۔
