فرمان الہی
نماز کے اوقات
اسلام آباد (نیو ر پورٹر)وفاقی وزیر مذہبی امور سردار محمد یوسف نے کہا ہے کہ پاکستانی عوام کو بنگلہ دیشی عوام کے ساتھ برادرانہ جذبات ہیں۔دونوں ممالک کے تعلقات مشترکہ روایات، اسلامی ورثے، سماجی اقدار کی بنیادوں پر استوار ہیں۔پاکستان اور بنگلہ دیش کے درمیان تعلقات میں بہتری خطے کے لئے اہم ثابت ہوگی۔انہوں نے ان خیا لات کا اظہار بنگلہ دیشی صدر کے مشیر برائے مذہبی امور اے ایف ایم خالد حسین سے گفتگو میں کیا جنہوں نے جمعہ کو وفد کے ہمراہ ان سےملاقات کی ۔ و بنگلہ دیشی وفد نے پاکستان میں سیلاب سے جانی و مالی نقصان پر افسوس کا اظہار کیا۔ بنگلہ دیشی صدر کے مشیر نے کہا کہ بھرپور استقبال پر پاکستانی عوام اور حکومت کے شکرگزار ہیں۔دونوں ممالک کی وزارت مذہبی امور کے مابین تعاون کو فروغ دینے کیلئے اقدامات کریں گے۔
