• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

متاثرہ علاقوں میں ریسکیو و ریلیف کاروائیوں کو مزید تیز اور مؤثر کیا جائے، وزیر اعظم

آج کا اخبار
اہم خبریں
08 ستمبر ، 2025
اسلام آ باد ( نیوز رپورٹر)وزیرِ اعظم محمد شہباز شریف نے جلالپور پیروالا میں ریسکیو کشتی الٹنے کے حادثے میں انسانی جانوں کے ضیاع پر اظہار افسوس کیا ہے۔وزیرِ اعظم نے حادثے میں جاں بحق ہونے والے 5 افراد کے اہل خانہ کے ساتھ اظہار ہمدردی کیا ہے۔وزیرِ اعظم نے جاں بحق ہونے والے افراد کی بلندی درجات اور اہل خانہ کیلئے صبر کی دعا کی ہے۔ وزیر اعظم نے ہدایت کی ہے کہ متاثرہ علاقوں میں ریسکیو و ریلیف کی کاروائیوں کو مزید تیز اور مؤثر کیا جائے موسمیاتی تبدیلی کے مضر اثرات ، خطرے والے علاقوں میں جامع منصوبہ بندی کر رہے ہیں،۔ انہوں نے کہا ہے کہ نقل مکانی کرنے والے افراد کی بروقت اور بھرپور امداد یقینی بنائی جائے۔ وزیرِ اعظم نے ہدایت کی ہے کہ ریسکیو و امدادی سرگرمیوں کے حوالے سے صوبائی حکومتوں کے ساتھ روابط و تعاون کو مزید مربوط بنایا جائے۔ انہوں نے کہا کہ پاکستان مسلسل موسمیاتی تبدیلی کے مضر اثرات کی لپیٹ میں ہے۔
اہم خبریں سے مزید