• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سیلاب متاثرین کو ہر ممکن ریلیف فراہم کر رہے ہیں، شرجیل میمن

آج کا اخبار
اہم خبریں
08 ستمبر ، 2025
کراچی (اسٹاف رپورٹر)سندھ کے سینئر وزیر اور صوبائی وزیر برائے اطلاعات، ٹرانسپورٹ و ماس ٹرانزٹ شرجیل انعام میمن نے کہا ہے کہ سندھ حکومت سیلاب سے متاثرہ عوام کے ساتھ کھڑی ہے اور انہیں ہر ممکن ریلیف فراہم کر رہی ہے، وزیراعلیٰ سندھ کی ہدایت پر تمام ضلعی انتظامیہ فیلڈ میں موجود ہے اور متاثرین کو سہولت دینے کے لیے مسلسل کام جاری ہےایک بیان میں انہوں نے کہا کہ تمام کابینہ ارکان، نامزد فوکل پرسنز اور صوبائی و قومی اسمبلی کے اراکین بھی فیلڈ میں موجود ہیں اور اقدامات کی خود نگرانی کر رہے ہیںشرجیل انعام میمن نے کہا کہ صوبے کے 15 اضلاع کی 167 یوسیز سے اب تک 1 لاکھ 28 ہزار 57 افراد کو محفوظ مقامات پر منتقل کیا گیا ہے جبکہ گزشتہ 24 گھنٹوں میں مزید 6 ہزار 288 افراد کو منتقل کیا گیاان کے مطابق حکومت سندھ کے قائم کردہ 154 فکسڈ اور موبائل ہیلتھ کیمپس میں مجموعی طور پر 39 ہزار 576 متاثرین کو طبی سہولت فراہم کی گئی، جن میں سے 5 ہزار 772 افراد کا علاج صرف گزشتہ 24 گھنٹوں میں کیا گیا۔
اہم خبریں سے مزید