فرمان الہی
نماز کے اوقات
پی ٹی آئی کے بعض اراکین نے بانیٔ تحریکِ انصاف کی جیل سے پیغام رسانی اور سوشل میڈیا پوسٹ پر اظہارِ تشویش کیا ہے۔
ذرائع کا کہنا ہے کہ تحریکِ انصاف کے بعض اراکین نے بانیٔ پی ٹی آئی تک وکلاء کی پیغام رسانی پر بھی تحفظات کا اظہار کیا ہے۔
سیاسی اور پارلیمانی کمیٹی کے گروپ میں ارکان کے استعفوں سے متعلق بانیٔ پی ٹی آئی تک وکلاء کی پیغام رسانی پر بحث کی گئی۔
جنید اکبر نے الزام عائد کیا ہے کہ وکیل ظہیر عباس نےاستعفوں سے متعلق بانیٔ پی ٹی آئی تک درست معلومات نہیں پہنچائیں۔
پنجاب سے بعض پارٹی ممبران نے بانیٔ پی ٹی آئی کے سوشل میڈیا بیان اور پیغام رسانی کا عمل شفاف بنانے کا مطالبہ کیا ہے۔
ارکان نے رائے کا اظہار کرتے ہوئے کہا ہے کہ کسی فردِ واحد کی ملاقات کے بعد بانیٔ پی ٹی آئی سے منسوب پیغام کو پارٹی درست تسلیم نہ کرے۔
ارکان نے رائے پیش کی کہ بانیٔ پی ٹی آئی کی بہنوں یا 3 سے زائد وکلاء کے ذریعے پیغام کو ہی درست سمجھا جائے۔
بانیٔ پی ٹی آئی سے منسوب مراد سعید سے متعلق پیغامات پر بھی بعض اراکین نے اظہارِ تشویش کیا۔
ذرائع کے مطابق پی ٹی آئی کی قیادت نے پیغام رسانی کے عمل کو شفاف بنانے کے لیے باقاعدہ اجلاس بلانے کا بھی مطالبہ کیا ہے۔
