• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

دوسرا آل پاکستان چیف منسٹر بلوچستان گولڈ کپ کرکٹ ٹو رنامنٹ

میرا شہر
کوئٹہ
13 ستمبر ، 2025
کوئٹہ(اسٹاف رپورٹر)محکمہ کھیل بلوچستان کے زیر اہتمام دوسرا آل پاکستان چیف منسٹر بلوچستان گولڈ کپ کرکٹ ٹو رنامنٹ کا تیسرا کوارٹر فائنل لاڑکانہ کی ٹیم نے جیت کر سیمی فائنل کے لیے کوالیفائی کرلیامحکمہ کھیل بلوچستان کے زیر اہتمام دوسرا آل پاکستان چیف منسٹر بلوچستان گولڈ کپ کرکٹ ٹو رنامنٹ کے سلسلے میں تیسرا کوارٹر فائنل میچ لاڑکانہ اور فاٹا کی ٹیموں کے درمیان کھیلا گیا فاٹا کی ٹیم نے ٹاس جیت کر پہلے بیٹنگ کرتے ہوئے مقررہ 20اوورز میں 197 رنز کا ٹارگٹ دیاحسین احمد نے 73رنز،حارث خان 37رنزجبکہ عادل امین نے 31 رنز کی اننگز کھیلی لاڑکانہ کی جانب شعیب احمد اور علی اصغر نے 2.2کھلاڑیوں کو آؤٹ کیاجواب میں لاڑکانہ کی ٹیم نے 197رنز کے تعاقب میں مطلوبہ ٹارگٹ 19ویں اوورز میں 5وکٹوں کے نقصان پر پورا کر لیا لاڑکانہ کے بیٹسمین دانش 113رنز کے ساتھ ناٹ آؤٹ رہے۔جبکہ اسرار احمد نے 25 رنز بنائےاس طرح یہ کوارٹر فائنل میچ لاڑکانہ کی ٹیم نے 5وکٹوں سے جیت کر سیمی فائنل میں رسائی حاصل کرلی ٹورنامنٹ کے سلسلے کا آج بگٹی اسٹیڈیم میں آخری اور چوتھا کوارٹر فائنل میچ گورنرالیون اور آئی سی اے پشاور کی ٹیموں کے درمیان فلڈ لائٹس میں کھیلا جاہیگا۔
کوئٹہ سے مزید