فرمان الہی
نماز کے اوقات
دوحہ میں ہونے والے عرب و اسلامی ممالک کے وزرائے خارجہ کے اجلاس سے میزبان قطر کے وزیرِ اعظم و وزیرِ خارجہ شیخ محمد بن عبدالرحمٰن نے اپنے خطاب میں کہا ہے کہ عرب ممالک نے قطر میں اسرائیل کے وحشیانہ حملے کی مذمت کی ہے۔
ان کا کہنا ہے کہ عرب ممالک نے قطر کی خود مختاری کے تحفظ کے لیے کیے جانے والے قانونی اقدامات کی حمایت کی، اسرائیلی حملے کا سخت اور مؤثر جواب دیا جانا چاہیے۔
قطر کے وزیرٍ اعظم نے کہا کہ اب وقت آ گیا ہےکہ عالمی برادری دہرا معیار چھوڑ دے، عالمی برادری اسرائیل کو اس کے تمام جرائم پر جوابدہ ٹھہرائے، اسرائیل فلسطینیوں کو جبری بے دخل کرنے کے مقصد میں کامیاب نہیں ہو گا۔
انہوں نے کہا کہ اسرائیلی حکومت مسلسل ایک کے بعد ایک جنگ بندی تجویز مسترد کر رہی ہے، اسرائیلی حکومت جان بوجھ کر جنگ کا دائرہ خطے کے دیگر ممالک تک پھیلا رہی ہے۔
قطر کے وزیرِ اعظم شیخ محمد بن عبدالرحمٰن نے کہا کہ اسرائیلی اقدامات غزہ کی جنگ بندی کے لیے ہماری ثالثی کی کوششوں کو نہیں روک سکتے۔
