• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

امریکی ناظم الامور کا قصور میں فلڈ ریلیف کیمپ کا دورہ، بھرپور مدد کے عزم کا اظہار

آج کا اخبار
اہم خبریں
17 ستمبر ، 2025
لاہور(آصف محمود بٹ ) پاکستان میں امریکی ناظم الامور(سی ڈی اے) نتالی بیکرنے کہا ہے کہ ان کا ملک پاکستان کی سیلاب سے بحالی کیلئے جاری کوششوں میں بھرپور مدد کے لئے پرعزم ہے۔ ضلعی انتظامیہ کی   کوششوں کو سراہتی ہوں جس نے اس بات کو یقینی بنایا کہ اس علاقے میں ایک بھی  زندگی  ضائع  نہ ہو  ہان خیالات کا اظہار انہوں نے لاہور اور قصور میں سیلاب زدہ علاقوں کے دورے کے دوران کیا۔ سینئر ممبر بورڈ آف ریونیو اور ریلیف کمشنرپنجاب نبیل جاوید کے ساتھ اپنی ملاقات میں ناظم الامور نتالی بیکر نے پنجاب میں جاری ہنگامی کوششوں پر تبادلہ خیال کیا اور بحالی کی ان کوششوں میں امریکہ کی جانب سے آفات کے دوران جان بچانے والی امدادی اشیاء کی فراہمی کو اجاگر کیا۔ انھوں نے کو قصور میں، جو دریائے ستلج سے ملحق سب سے زیادہ متاثرہ اضلاع میں سے ایک ہے، امدادی کیمپوں میں بے گھر خاندانوں اور امدادی کارکنوں سے ملاقات کی۔ ناظم الامور بیکر نے متاثرہ افراد کی قوت مدافعت کو سراہا اور امدادی کارکنوں کی انتھک کوششوں کی بھی تعریف کی۔ انہوں نے کہا کہ میں ضلعی انتظامیہ کی انتہائی مربوط کوششوں کو سراہتی ہوں جس نے اس بات کو یقینی بنایا کہ اس علاقے میں ایک بھی زندگی ضائع نہ ہو۔
اہم خبریں سے مزید