• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

غیرقانونی کرنسی ایکسچینج میں ملوث عناصر کیخلاف کریک ڈاؤن،494 گرفتار

میرا شہر
لاہور
21 ستمبر ، 2025
لاہور (نیوزرپورٹر) ڈی جی ایف آئی اے کی ہدایت پر حوالہ ہنڈی اور غیر قانونی کرنسی ایکسچینج میں ملوث عناصر کے خلاف کریک ڈاؤن جاری ہے۔ ترجمان ایف آئی اے کے مطابق رواں سال غیر قانونی کرنسی ایکسچینج اور حوالہ ہنڈی میں ملوث نیٹ ورک کے خلاف 384 چھاپے مارے گئے۔حوالہ ہنڈی اور کرنسی ایکسچینج میں ملوث ملزمان کے خلاف 396 مقدمات درج کئے گئے، ملک گیر کارروائیوں میں 494 ملزمان کو گرفتار کیا گیا ہے۔ملزمان سے مجموعی طور پر 1 ارب 49 کروڑ روپے ریکور کئے گئے ۔بیان کے مطابق برآمد کی گئی کرنسی میں 4 لاکھ 66 ہزار سے زائد امریکی ڈالر شامل ہیں، برآمد شدہ کرنسی میں 23 کروڑ روپے سے زائد مالیت کی دیگر غیر ملکی کرنسی بھی شامل ہے۔ترجمان کے مطابق برآمد شدہ کرنسی میں 1 ارب 13 کروڑ پاکستانی روپے شامل ہیں۔
لاہور سے مزید