• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پرائس کنٹرول مہم کو مؤثر طریقے سے جاری رکھا ہے ،ڈپٹی کمشنر

میرا شہر
لاہور
21 ستمبر ، 2025
لاہور(خصوصی رپورٹر)ڈپٹی کمشنر لاہور سید موسیٰ رضا کی قیادت میں ضلعی انتظامیہ لاہور نے پرائس کنٹرول مہم کو مؤثر طریقے سے جاری رکھا ہے، جس سے شہریوں کو سستے دام میسر آ رہے ہیں۔ ناجائز منافع خوری روکنے کے لیے 100 سے زائد مقامات پر چیکنگ کی گئی، جہاں 17 افراد کے خلاف کارروائی کرتے ہوئے ڈیڑھ لاکھ روپے سے زائد جرمانے عائد کیے گئے۔ کریلے کی قیمت 20 روپے، بینگن اور پھول گوبھی کی 10 روپے فی کلو کم ہوئی، جبکہ شلجم، اروی اور گھیا کدو کے دام بھی کم ہوئے۔ آلو، پیاز، ٹماٹر، کھیرے سمیت دیگر سبزیوں اور آم، انگور، کھجور جیسے پھلوں کی قیمتیں مستحکم رہیں۔ روٹی 14 روپے، چینی 175 روپے فی کلو، 10 کلو آٹے کا تھیلا 905 روپے اور 20 کلو کا 1810 روپے پر دستیاب ہے۔ تمام مارکیٹوں میں ریٹ لسٹ آویزاں کرنے اور شکایات پر فوری کارروائی یقینی بنائی جا رہی ہے، جس سے عوام کو بروقت سہولت مل رہی ہے۔
لاہور سے مزید