• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاکستان میں زرعی پیداوار بڑھانے کیلئے بیلاروس ٹریکٹر اسمبلی لائن کے قیام کا منصوبہ

آج کا اخبار
اہم خبریں
26 ستمبر ، 2025
اسلام آباد (اسرار خان)پاکستان میں زرعی پیداوار بڑھانے کیلئے بیلاروس ٹریکٹر اسمبلی لائن کے قیام کا منصوبہ، ہارون اختر کا کہنا ہے کہ بیلاروس سے ٹریکٹروں کا معاہدہ پاکستان میں زراعت کو نمایاں طور پر فروغ دیگا ۔ تفصیلات کے مطابق وزیراعظم کے معاون خصوصی برائے صنعت و پیداوار ہارون اختر خان کا کہنا ہے کہ پاکستان، زراعت کو جدید بنانے اور زرعی پیداوار کو بڑھانے کے لیے، 57 سے 80 ہارس پاور کے بیلاروس ٹریکٹرز کی اسمبلی لائن قائم کرنے جا رہا ہے۔ خان نے نجی ٹریکٹر سرمایہ کاروں، مارگلہ ہیوی انڈسٹریز لمیٹڈ، ہیوی انڈسٹریز ٹیکسلا، اور گرین کارپوریٹ انیشیٹوز کے ساتھ ایک اعلیٰ سطحی اجلاس کی صدارت کرتے ہوئے کہا کہ بیلاروس کے ساتھ ٹریکٹروں کے حوالے سے ہونے والا معاہدہ پاکستان میں زراعت کو نمایاں طور پر فروغ دے گا اور کسانوں کی پیداواری صلاحیت میں اضافہ کرے گا۔
اہم خبریں سے مزید