• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

خوراک کے ضیاع سے متعلق آگہی کا دن آج منایا جائے گا

میرا شہر
کوئٹہ
29 ستمبر ، 2025
کوئٹہ (اسٹاف رپورٹر)پاکستان سمیت دنیا بھر میں خوراک کےنقصان اور ضیاع سے متعلق آگہی کا عالمی دن آج 29 ستمبر کو منایا جائے گا اقوام متحدہ کے عالمی ماحولیاتی ادارے (یو این ای پی)کے مطابق دنیا کی ایک تہائی آبادی کو غذائی عدم تحفظ کا سامنا ہے جبکہ روزانہ ایک ارب انسانوں کی ضرورت کے مطابق خوراک ضائع ہو جاتی ہے اقوام متحدہ کے ادارہ برائے خوراک و زراعت کے مطابق ضائع ہونے والی خواراک کے علاوہ 13 فیصد خوراک اجناس کی کٹائی سے فروخت تک کے ترسیلی مراحل میں ضائع ہو جاتی ہےدنیا میں سب سے زیادہ خوراک گھروں میں ضائع ہوتی ہے جس کا سالانہ حجم 631 ملین ٹن ہے یہ ضائع ہونے والی مجموعی خوراک کا تقریباً 60 فیصد ہے جبکہ کھانے پینے کے مقامات اور خوردہ فروشی کے دوران بالترتیب 290 اور 131 ملین ٹن خوراک ضائع ہوتی ہے رپورٹ میں مزید کہا گیا ہے کہ دنیا کا ہر فرد سالانہ اوسطاً 79 کلو گرام خوراک ضائع کرتا ہے۔
کوئٹہ سے مزید