• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ڈاکٹر فتح محمد مری جامعہ سندھ کے وائس چانسلر مقرر

آج کا اخبار
اہم خبریں
04 اکتوبر ، 2025
کراچی(سید محمد عسکری) وزیر اعلیٰ سندھ مراد علی شاہ نے ڈاکٹر فتح محمد مری کو آئندہ چار برس کیلئے جامعہ سندھ کا وائس چانسلر مقرر کرنے کی منظوری دیدی ہے۔ جامعہ سندھ میں وائس چانسلر کی آسامی گزشتہ 9ماہ سے خالی تھی اور ڈاکٹر خلیل الرحمان کمباٹی بطور قائم مقام وائس چانسلر قائم کررہے تھے۔ تلاش کمیٹی نے جامعہ سندھ کے وی سی کے عہدے کے 3 نام وزیر اعلیٰ سندھ کو بھیجے تھے جن میں ٹنڈو جام زرعی یونیورسٹی کے سابق وی سی ڈاکٹر فتح محمد مری 74.40 نمبر حاصل کرکے پہلے نمبر پر تھے، ڈاکٹر خلیل الرحمان کمباٹی63.20 نمبر حاصل کرکے دوسرے نمبر پر جب کہ ڈاکٹر طارق رحیم سومرو نے 63.00نمبر حاصل کے تیسرے نمبر پر تھے۔
اہم خبریں سے مزید