فرمان الہی
نماز کے اوقات
بالی ووڈ کے معروف گلوکار زوبین گرگ کی سنگاپور میں موت کی تحقیقات نے نیا موڑ لے لیا۔
غیر ملکی میڈیا رپورٹس کے مطابق پولیس نے گلوکار کے مینیجر سدھارتھ شرما کو بھی تفتیش میں شامل کرلیا۔
میڈیا رپورٹس کے مطابق مبینہ طور پر زوبین گارگ کے بینڈ کے ایک ممبر شیکھر جیوتی گوسوامی نے آنجہانی گلوکار کے منیجر سدھارتھ شرما پر الزام عائد کیا ہے کہ انہوں نے سے زوبین گرگ کے قتل کی سازش کی اور انہیں زہر دیا۔
ایس آئی ٹی (سی آئی ڈی) کی جانب سے جمع کروائی گئی تفصیلی رپورٹ کے مطابق شیکھر جیوتی گوسوامی نے مینیجر سدھارتھ شرما پر گلوکار کے قتل کا الزام عائد کرتے ہوئے کہا کہ سدھارتھ گلوکار کی موت سے قبل مشکوک دکھائی دے رہے تھے۔
میڈیا رپورٹس کے مطابق سدھارتھ شرما سنگاپور میں پین پیسیفک ہوٹل میں زوبین کے ساتھ ہی ٹھہرے ہوئے تھے۔
شیکھر جیوتی گوسوامی نے اپنے بیان میں کہا کہ زوبین گارگ کی موت سے قبل سدھارتھ شرما ان کے ساتھ یاٹ میں سوار تھے، انہوں نے زبردستی یاٹ کو اپنے کنٹرول میں لے کر مسافروں کو خطرے میں ڈالا دیا تھا اور انہوں نے دوسروں کو انتظامات نہ سنبھالنے کی ہدایت بھی کی تھی۔
اس کے علاوہ سنگاپور میں منعقد فیسٹیول کے منتظم شیامکانو مہانتا کو بھی اس تحقیقات میں نامزد کیا گیا ہے۔
