• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

قومی وجود اور حقوق کے تحفظ کیلئے آواز بلند کرینگے، غلام نبی مری

میرا شہر
کوئٹہ
06 اکتوبر ، 2025
کوئٹہ (پ ر)خانہ فرہنگ ایران کے زیر اہتمام شہید سید حسن نصراللہ کی برسی کے موقع پر تقریب منعقد ہوئی جس میں بلوچستان نیشنل پارٹی کے سینٹرل ایگزیکٹو کمیٹی کے ممبر و ضلعی صدر بی این پی کوئٹہ غلام نبی مری، مولانا انوارالحق حقانی، قاری عبدالرحمٰن، علامہ ہاشم موسوی، ابو الحسن میری، ڈاکٹر عطاالرحمٰن، سردار عمران بنگزہی اور علامہ ولایت حسین جعفری نے خطاب کیا۔ غلام نبی مری نے کہا کہ جہاں بھی قوموں کو ان کی قومی شناخت، بقا، حقِ حاکمیت، بنیادی حقوق اور آئینی اختیارات کے خلاف ظلم و ستم اور جبر کا سامنا ہوگا وہاں وہ اپنی قومی وجود اور حقوق کے تحفظ کے لیے آواز بلند کریں گے کیونکہ ظلم ناقابلِ برداشت ہے۔دیگر مقررین نے بھی شہید سید حسن نصراللہ کی جدوجہد کو خراجِ عقیدت پیش کرتے ہوئے کہا کہ وہ مظلوموں اور محکوموں کی آواز تھے، ان کی قربانیاں ہمیشہ یاد رکھی جائیں گی۔
کوئٹہ سے مزید