• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

صدر مملکت نے پاکستان اسکاؤٹس کیڈٹ کالج بٹراسی کا اجلاس منسوخ کردیا

آج کا اخبار
اہم خبریں
08 اکتوبر ، 2025
کراچی (سید محمد عسکری) صدر مملکت و چیف اسکاؤٹ پاکستان نے 10 اکتوبر کو پاکستان اسکاؤٹس کیڈٹ کالج بٹراسی مانسہرہ میں بلائی جانے والے اجلاس کو غیر قانونی قرار دیتے ہوئے اسے منسوخ کردیا ہے جب کہپاکستان بوائے اسکاؤٹس ایسوسی ایشن کی موجودہ صورتحال کا نوٹس لیتے ہوئے وفاقی وزارت تعلیم و پروفیشنل ٹریننگ کو ہدایت کی ہے کہ اسلام آباد ہائی کورٹ کے فیصلے کی روشنی میں پاکستان بوائے اسکاؤٹس ایسوسی ایشن کے قواعد و ضوابط کے مطابق نیشنل کونسل کا اجلاس بلا کہ چیف کمشنر کے انتخابات کرائے جائیں ۔ تفصیلات کے مطابق پاکستان بوائے اسکاؤٹس ایسوسی ایشن کے سابقہ چیف کمشنر کی مدت 3 اکتوبر 2025کو ختم ہو گئی تھی جب کہ قواعد کے مطابق انٹرنیشنل کمشنر کو قائم مقام چیف کمشنر کی ذمہ داریاں سنبھالنا تھا لیکن ان کی تقرری کی توثیق بھی صدر مملکت و چیف اسکاؤٹ کی جانب سے نہیں ہو سکی تھی ،جس کہ باعث یہ دونوں عہدے خالی تھے۔ اس صورتحال کے پیش نظر صدر و چیف اسکاؤٹ پاکستان نے وفاقی وزارت تعلیم و پروفیشنل ٹریننگ کو ہدایت کی کہ اسلام آباد ہائیکورٹ کے فیصلے کے تناظر اور پاکستان بوائے اسکاؤٹس ایسوسی ایشن کے قواعد کے مطابق قومی کونسل کا اجلاس بلا کر نئے چیف کمشنر کے لئے انتخابات کرائے جائیں۔
اہم خبریں سے مزید