فرمان الہی
نماز کے اوقات
کراچی (نیوز ڈیسک) ن لیگ اور پیپلز پارٹی بیان بیازی روکنے پر رضا مند ہوگئے، صدر آصف علی زرداری سے وفاقی حکومت کےو فد کی نوابشاہ میں ملاقات ۔نائب وزیراعظم ووزیرخارجہ اسحاق دار،اسپیکر قومی اسمبلی ایاز صادق اوروزیر داخلہ محسن نقوی زرداری ہائوس نواب شاہ پہنچے ۔ صدر آصف علی زرداری نے تینوں رہنمائوں کو گلے لگا کر استقبال کیا۔ اس موقع پر رہنمائوں نے خوشگوار ماحول میں گفتگو بھی کی ۔حکومتی وفد کی صدر مملکت سے ملاقات میں اہم پیش رفت ہوئی ہے، ذرائع کے مطابق مسلم لیگ ن اور پیپلزپارٹی بیان بازی روکنے پر رضامند ہوگئے۔ذرائع کے مطابق صدر آصف علی زرداری نے وفد سے کہا کہ اپنی پارٹی کے لوگوں کو سمجھائیں ، نہیں چاہتے کہ معاملات خراب ہو ۔ ن لیگی کمیٹی نے کہا کہ پیپلز پارٹی کی طرف سے بیان بازی بند ہونا چاہئے۔ ذرائع کے مطابق یہ طے پایا کسی بھی بڑے ایشو پر بات کرنے سے پہلے ایک دوسرے کا موقف لیا جائے گا۔ذرائع کے مطابق نائب وزیراعظم اسحاق ڈار نے کشیدگی کم کروانے میں اہم کردار ادا کیا اور صدر زرداری نے ہمیشہ کی طرح اسحاق ڈار کے ساتھ تعاون کیا۔اسحاق ڈار کی دبئی میں رہائشگاہ پر بینظیر بھٹو اور نواز شریف کی ملاقاتیں ہوا کرتی تھیں۔ صدر زرداری سے ملاقات میں پنجاب اور سندھ حکومت کے درمیان حالیہ کشیدگی سے متعلق مختلف امور زیر غور آئے۔
