• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

لاکھوں روپے مالیت کی ملکی و غیر ملکی کرنسی برآمد ، 2ملزم گرفتار

میرا شہر
اسلام آباد
12 اکتوبر ، 2025
راولپنڈی (سٹاف رپورٹر)لاکھوں روپے مالیت کی ملکی و غیر ملکی کرنسی برآمد کرکے 2 ملزموں کوگرفتار کرلیاگیا، ڈی جی ایف آئی اے کی ہدایت پر حوالہ ہنڈی اور غیر قانونی کرنسی ایکسچینج میں ملوث ملزمان کے خلاف کارروائی کرتے ہوئے ایف آئی اے کمپوزٹ سرکل چمن نے 2ملزموں حاجی محمد اور محمد حضرت کوگرفتار کرلیا،ترجمان ایف آئی اے کے مطابق ملزموں سے 22ہزار امریکی ڈالر، 24 ہزار 500 سعودی ریال، 113ہزار760 افغانی اور 4لاکھ 95ہزار پاکستانی روپے برآمد ہوئےملزموں کو چمن کے مختلف علاقوں سے گرفتار کیا گیا،ایف آئی اے حکام کاکہنا ہے کہ ابتدائی تفتیش کے مطابق ملزمان حوالہ ہنڈی اور غیر قانونی کرنسی ایکسچینج میں ملوث ہیں،ملزمان بغیر لائسنس کرنسی ایکسچینج کا کاروبار کر رہے تھے،ان سے موبائل فونز، غیر قانونی کرنسی ایکسچینج اور حوالہ ہنڈی سے متعلق شواہد بھی برآمد کر لیے گئے ،ملزمان برآمد ہونے والی کرنسی کے حوالے سے حکام کو مطمئن نہ کر سکے،انہیں گرفتار کر کے تفتیش شروع کردی گئی ۔
اسلام آباد سے مزید