• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی کے علاقے ضلع وسطی کی متعدد سڑکیں تباہ حالی کا شکار

آج کا اخبار
اہم خبریں
12 اکتوبر ، 2025
کراچی (آئی این پی )کراچی کے علاقے ضلع وسطی کی متعدد سڑکیں تباہ حالی کا شکار ہیں۔تفصیل کے مطابق جہانگیر روڈ سے تین ہٹی جانے اور آنے والی سڑکیں تباہ حالی کا شکار ہیں، جہانگیر روڈ پر دو اطراف بڑے بڑے گڑھے پڑگئے ہیں، تاحال سڑکوں کی تعمیر و مرمت کے کام کا آغاز نہیں کیا جاسکا۔جہانگیر روڈ کی مرمت یا تعمیر ایک دہائی کے دوران 4سے زائد بار کی جاچکی ہے، سڑکیں خراب ہونے کے باعث دھول مٹی سے صحت کے مسائل بھی جنم لے رہے ہیں۔ سڑکوں کی خراب صورتحال کے باعث متعدد ڈرائیور رانگ وے کا استعمال کررہے ہیں، ٹریفک صحیح سمت پر چلائے جانے کیلئے ٹریفک پولیس اہلکار بھی تعینات نہیں ہیں۔جہانگیر روڈ پر مختلف مقامات پر کچرے کے ڈھیر بھی موجود ہونے کے ساتھ ساتھ نشے کے عادی افراد کے بھی ڈیرے ہیں۔
اہم خبریں سے مزید