فرمان الہی
نماز کے اوقات
اسلام آبا ( ناصر چشتی) موسمیاتی تبدیلیوں سے پاکستان کو اربوں ڈالرز کے نقصانات کا تخمینہ، وفاقی وزیر موسمیاتی تبدیلی ڈاکٹر مصدق ملک نے قومی اسمبلی میں رپورٹ جمع کروا دی۔
رپورٹ کے مطابق حالیہ بارشوں سے 950 سے زائد افراد جاں بحق، 1ہزار سے زیادہ افراد زخمی ہوئےسیلاب سے 4 ہزار 500 دیہات زیر آب، لاکھوں افراد اپنے گھروں سے بے دخل ہوئے 96 ہزار سے زائد افراد اس وقت ریلیف کیمپوں میں پناہ گزین ہیں۔
وفاقی وزیر موسمیاتی تبدیلی نے بتایا کہ موج، وزارت موسمیاتی تبدیلی ہندوکش، قراقرم اور ہمالیہ کے گلیشیئرز تیزی سے پگھلنے سے پانی کے ذخائر غیر مستحکم ہونے لگے، پاکستان میں 13 ہزار سے زائد گلیشیئرز خطرناک حد تک پگھل رہے ہیں گلیشیائی جھیلوں میں اضافہ، 71 لاکھ افراد GLOF کے خطرات سے دوچار ہیں جبکہ انڈس ڈیلٹا میں سمندری پانی کے داخلے سے زمینیں بنجر ہونے لگی ہیں۔
رپورٹ کے مطابق سندھ میں 35 لاکھ ایکڑ زرخیز زمین سمندری پانی سے متاثر یا ضائع ہوچکی ہے، رہائشی زمینوں کے متاثر ہونے سے ہزاروں ساحلی خاندان بے گھر ہوچکے ہیں ماہی گیری اور ساحلی تحفظ کے لیے اہم مینگروو کے جنگلات تیزی سے ختم ہو رہے ہیں.
رپورٹ میں مزید بتایا ہے کہ موسمیاتی تبدیلیوں سے جیکب آباد اور سبی میں درجہ حرارت 50 ڈگری سے تجاوز کرگیا، گرمی کی شدید لہروں سے درجنوں ہلاکتیں، فصلوں کی پیداوار متاثر ہو رہی ہے 2022ء کے تباہ کن سیلابوں سے 3 کروڑ 30 لاکھ سے زائد افراد متاثر ہوئے لاہور اور وسطی پنجاب میں سموگ خطرناک سطح پر پہنچ گئی۔
