• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

راولپنڈی بورڈ ،تین امیدوار نقل کرتے ہوئے رنگے ہاتھوں پکڑے گئے

میرا شہر
اسلام آباد
14 اکتوبر ، 2025
راولپنڈی( ناصر چشتی خصوصی نمائندہ) چیر مین بورڈ آف انٹرمیڈیٹ اینڈ سیکنڈری ایجوکیشن راولپنڈی محمد عدنان خان نے میٹرک سیکنڈ اینول امتحان 2025 کے مختلف امتحانی مراکز کا اچانک دورہ کیا۔دورے کے دوران انہوں نے امتحانی عملے کی حاضری، امتحانی مواد کی سکیورٹی، اور امیدواروں کے بیٹھنے کے انتظامات کا تفصیلی جائزہ لیا۔گفتگو کرتے ہوئے چیئرمین بورڈ نے بتایا کہ تین امیدوار نقل کرتے ہوئے رنگے ہاتھوں پکڑے گئے جن میں گورنمنٹ ایسوسی ایٹ کامرس کالج سنی بینک مری کے امیدوار محمد امان اللہ عباسی (رول نمبر 217681) اور رومان اسد (رول نمبر 217610)،جبکہ گورنمنٹ گریجویٹ کالج اصغر مال راولپنڈی کے امیدوار سید حسن کبیر کاظمی (رول نمبر 205669) شامل ہیں۔تینوں امیدواران کے خلاف فوری طور پر کیسز رجسٹر کر کے ڈسپلن برانچ بورڈ آفس کو مزید کارروائی کے لیے ارسال کر دیے گئے ہیں۔دوسری جانب، کنٹرولر امتحانات تنویر اصغر عوان نے گورنمنٹ ایسوسی ایٹ کالج حسن ابدال کا دورہ کیا جہاں انہوں نے امتحانی عملے کی حاضری، سکیورٹی انتظامات، اور امیدواران کے بیٹھنے کے پلان کا تفصیلی جائزہ لیا۔
اسلام آباد سے مزید