• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

جان خطرے میں ڈالنے والے پولیس کے بہادر جوان قوم کا فخر ،حنا پرویز بٹ

میرا شہر
لاہور
18 اکتوبر ، 2025
لاہور(خصوصی نمائندہ)چیئرپرسن پنجاب ویمن پروٹیکشن اتھارٹی حنا پرویز بٹ نے میو ہسپتال لاہور کا دورہ کیا، جہاں انہوں نے مریدکے میں مظاہرین کی فائرنگ سے زخمی ہونے والے پولیس افسران و اہلکاروں کی عیادت کی۔ حنا پرویز بٹ نے زخمی اہلکاروں کی خیریت دریافت کی، پھولوں کے گلدستے پیش کئے اور ان کے حوصلے کو سراہا۔ حنا پرویز بٹ نے ان کی جلد صحت یابی کے لیے دعا بھی کی۔ انہوں نے کہا کہ پولیس کے بہادر جوان امن و امان قائم رکھنے اور شہریوں کے جان و مال کے تحفظ کے لیے اپنی جانیں خطرے میں ڈال کر فرائض انجام دیتے ہیں، ان کی قربانیاں قوم کا فخر ہیں چیئرپرسن نے ہسپتال انتظامیہ کو ہدایت کی کہ زخمی اہلکاروں کے علاج معالجے میں کسی قسم کی کمی نہ رہنے دی جائے۔
لاہور سے مزید