• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مختلف علاقوں میں مبینہ پولیس مقابلے ایک ڈاکو ہلاک، ایک زخمی

آج کا اخبار
اہم خبریں
20 اکتوبر ، 2025
کراچی ( اسٹاف رپورٹر ) مختلف علاقوں میں مبینہ پولیس مقابلوں کے دوران ایک ڈاکو ہلاک اور1زخمی سمیت 2 ملزمان کو گرفتار کرلیا،تفصیلات کے مطابق گلشن اقبال بلاک فائیو میں پولیس کو گھر میں ڈاکوؤں کے داخل ہونے کی اطلاع ملی۔ اطلاع ملتے ہی پولیس نے گھر کا محاصرہ کیا اس ہی دوران ملزمان نے فائرنگ کردی۔ پولیس کی جوابی فائرنگ کے دوران ایک ملزم مارا گیا جبکہ دوسرا ساتھی گرفتار کرلیا گیا۔ پولیس کے مطابق کارروائی کے دوران ملزمان کے 2 ساتھی کرولا گاڑی میں فرار ہوگئے۔ پولیس نے فرار ملزمان کی تلاش کا عمل شروع کردیا ہے جبکہ گرفتار اور ہلاک ملزم کا کریمنل ریکارڈ چیک کیا جارہا ہے۔دریں اثناءشاہ فیصل میں مبینہ پولیس مقابلہ میں زخمی سمیت دو ملزمان کو گرفتار کرکے اسلحہ برآمد کرلیا۔ پولیس کے مطابق شاہ فیصل کالونی نمبر 5 پر پولیس اور ملزمان کے درمیان مقابلہ ہوا۔ فائرنگ کے تبادلے کے بعد زخمی سمیت دو ملزمان کو گرفتار کرلیا گیا۔زخمی گرفتار ملزم کی شناخت 20 سالہ صاحب خان اور دوسرے گرفتار ملزم کی شناخت اللہ نور سے ہوئی۔ پولیس نے گرفتارملزمان سے 2 پستول، موبائل فون اور موٹر سائیکل برآمد کر لی۔ زخمی ڈاکو کو طبی امداد کے لیے جناح اسپتال منتقل کیا گیا اور پولیس اس حوالے سے مزید تفتیش کررہی ہے۔
اہم خبریں سے مزید