فرمان الہی
نماز کے اوقات
انٹرنیشنل کرکٹ کونسل (آئی سی سی) ویمنز ورلڈ کپ میں جنوبی افریقا سے شکست کے بعد پاکستانی ٹیم ایونٹ سے باہر ہوگئی۔
کولمبو میں کھیلے گئے ایونٹ کے 22ویں میچ میں جنوبی افریقا نے بارش سے متاثرہ میچ میں پاکستان کو 150 رنز سے ہرادیا ہے۔
جنوبی افریقی ٹیم نے مقررہ 40 اوورز میں 9 وکٹ پر 312 رنز کا پہاڑ کھڑا کردیا، سعدیہ اقبال اور نشرہ سندھو نے 3، 3 وکٹیں لیں۔
ڈک ورتھ لیوئس میتھڈ کے تحت پاکستان کو 20 اوورز میں 234 رنز کا ہدف ملا، لیکن گرین ٹیم 7 وکٹ پر صرف 83 رنز ہی بناسکی۔
میگا ایونٹ کے دلچسپ مقابلے جیو سوپر براہ راست نشر کر رہا ہے، ورلڈ کپ میں 22 اکتوبر کو 23واں میچ آسٹریلیا اور انگلینڈ کے درمیان اندور میں کھیلا جائے گا۔
