• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پی ٹی آئی وفد کی فضل الرحمٰن سے ملاقات، محمود خان اچکزئی کی اپوزیشن لیڈر نامزدگی پر اتفاق

آج کا اخبار
اہم خبریں
30 اکتوبر ، 2025
اسلام آباد( رانا غلام قادر/ نیو زرپورٹر) پی ٹی آئی اور جے یو آ ئی ( ف) کے درمیان محمود خان اچکزئی کے بطور اپوزیشن لیڈر نامزدگی پر اتفاق ہو گیا،گزشتہ روز پی ٹی آئی کے وفد نے امیر جےیوآئی مولانا فضل الرحمان سے ان کی رہائش گاہ پر ملاقات کی،ملاقات میں پی ٹی آئی وفدنے پارلیمنٹ میں اپوزیشن کو متحد کرنے کیلئے قائد جمیعت سے کردار ادا کرنے کی اپیل کی ،ملکی ،سیاسی اور خطے کی صورتحال پر گفتگو کی گئی،مولانا فضل الرحمان نےخیبر پختونخواہ میں امن وامان کے حوالے سے پی ٹی آئی کی جانب سے قومی جرگہ کے انعقاد کی تجویز کا بھی خیر مقدم کیا، دونوں جماعتوں کےراہنماؤں نے موجودہ ملکی ،سیاسی اور خطے کی صورتحال پر گفتگو کی،پی ٹی آئی وفد میں سابق اسپیکر اسد قیصر، صوبائی صدر جنید اکبر، شہرام ترکئی شامل تھے جبکہ جےیوآئی کے رہنمامولانا صلاح الدین ایوبی،جلال الدین ایڈوکیٹ،مولانا اسجد محمود بھی اس موقع پر موجود تھے۔ ملاقات میں مولانا فضل الرحمان نے قومی اسمبلی میں محمود خان اچکزئی کو بطور اپو زیشن لیڈر نامزد کرنے کی حمایت کردی ۔
اہم خبریں سے مزید