• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

27 ویں آئینی ترمیم، آئین و قانون کی بالادستی مزید کمزور کرنے کی کوشش، حسنین علی چوہان

آج کا اخبار
شہر قائد/ شہر کی آواز
12 نومبر ، 2025
کراچی (اسٹاف رپورٹر) انصاف لائرز فورم کراچی کے رہنما اور معروف قانون دان ایڈووکیٹ حسنین علی چوہان نے کہا کہ 26ویں ترمیم کے ذریعے عدلیہ کو پہلے ہی کمزور کیا جاچکا ہے، اب 27ویں ترمیم کے ذریعے آئین و قانون کی بالادستی کو مزید کمزور کرنے کی کوشش کی جارہی ہے، سٹی کورٹ کراچی میں میڈیا سے گفتگو کرتے ہوئے انہوں نے مزید کہا کہ ملک میں اس وقت آئین و قانون کی حکمرانی ختم ہوچکی ہے، عدلیہ کی آزادی اور سیاسی استحکام کے بغیر کوئی ملک نہیں چل سکتا۔ اگر فیصلے عوام کی امنگوں کے مطابق نہیں لیے گئے تو حالات مزید خراب ہوں گے، پہلے ہی ملک میں امن و امان کی صورتحال تشویشناک ہے، ایسے میں اگر آئین کو ذاتی مفادات کے لیے توڑا گیا تو ملک کے نظام پر منفی اثرات مرتب ہوں گے۔
شہر قائد/ شہر کی آواز سے مزید