پشاور(ایجنسیاں) وزیر اعلیٰ خیبرپختونخوا سہیل آفریدی نے ریڈیو پاکستان پر 9 مئی حملے کی تحقیقات کے لئے انکوائری کمیشن قائم کرنے کا اعلان کردیاہے‘ کمیشن تمام شواہد‘سی سی ٹی وی فوٹیج جمع کر کے اپنی رپورٹ کابینہ کو پیش کرے گا۔وزیر اعلیٰ سہیل افریدی کی زیر صدارت صوبائی کابینہ کا اجلاس منعقد ہوا‘سہیل افریدی نے اپنی حکومت کی پالیسی گائیڈلائنز وضع کر دیں،وزیر اعلیٰ نے گزشتہ روز امن جرگے میں شریک تمام سیاسی جماعتوں کا شکریہ ادا کیا۔سہیل آفریدی کاکہنا تھا کہ سیاسی اختلافات اپنی جگہ لیکن امن ہم سب کا مشترکہ ہدف ہے، صوبائی اسمبلی کی تمام قراردادوں پر مکمل عملدرآمد کیا جائے گا، سب سے اہم قراردادایکشن اِن ایڈ آف سول پاورز کے خاتمے سے متعلق ہے جو بنیادی انسانی حقوق کے منافی ہے‘وزیر اعلیٰ سہیل آفریدی کاکہنا تھا کہ سود سے پاک خیبر پختونخوا موجودہ حکومت کی اولین ترجیحات میں شامل ہے، ہم خیبر پختونخوا کو سود کے ناسور سے پاک کرینے کے لیے پالیسی بنا رہے ہیں اور اسلامی سرمایہ کاری متعارف کرائیںگے، حکومتی فنڈز پر کسی کو بھی ذاتی تشہیر کی اجازت نہیں ہوگی۔
فرمان الہی
نماز کے اوقات
