فرمان الہی
نماز کے اوقات
کراچی (آئی این پی )جسٹس کے کے آغا کے بطور وفاقی آئینی جج حلف اٹھانے کے بعد سندھ ہائیکورٹ میں ججز کی قلت مزید شدید ہوگئی ، جسٹس کے کے آغا کے وفاقی آئینی جج کی حیثیت سے حلف اٹھانے کے بعد سندھ ہائیکورٹ میں موجودہ ججز کی مجموعی تعداد32 رہ گئی ہے۔ ہائیکورٹ میں مستقل ججز کی تعداد 20 جبکہ 12 جج تاحال ایڈیشنل جج کے طور پر خدمات انجام دے رہے ہیں۔ اس سے قبل سندھ ہائیکورٹ کے جسٹس خادم حسین سومرو کا تبادلہ اسلام آباد ہائیکورٹ کردیا گیا تھا، جسکے باعث عدالت میں پہلے ہی ججز کی کمی کا سامنا تھا۔جسٹس کے کے آغا سندھ ہائیکورٹ میں آئینی بینچز کے سربراہ کے طور پر ذمہ داریاں ادا کر رہے تھے، تاہم انکے حلف کے بعد یہ اہم عہدہ خالی ہوگیا ہے۔ سندھ ہائیکورٹ میں نئے آئینی بینچ کے سربراہ کا تقرر ابھی تک نہیں ہو سکا۔آئینی بینچز کے سربراہ کا تقرر جوڈیشل کمیشن آف پاکستان کرتا ہے، اور عدالتی حلقوں کے مطابق اس اہم عہدے پر تقرری کے بغیر آئینی نوعیت کے اہم کیسز کی سماعت متاثر ہونے کا خدشہ ہے۔
