• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

آسیان کانفرنس: غیرملکی مندوبین کیلئے بم پروف آرمرڈ کوسٹر طلب

آج کا اخبار
اہم خبریں
17 نومبر ، 2025
لاہور (آصف محمود بٹ)لاہور میں آسیان کانفرنس کا انعقاد، غیرملکی مندوبین کیلئے بم پروف آرمرڈ کوسٹر طلب۔ پنجاب سیف سٹیز اتھارٹی (PSCA) نے محکمہ داخلہ پنجاب سے درخواست کی ہے کہ آسیان کانفرنس میں شریک غیر ملکی مہمانوں کی محفوظ نقل و حرکت کیلئے ایک آرمرڈ، بلٹ پروف اور بم پروف کوسٹر فوری طور پر فراہم کی جائے۔ اتھارٹی کے مطابق یہ علاقائی اہمیت کا حامل اجلاس 14 سے 22 نومبر 2025 تک لاہور میں منعقد ہو رہا ہے، جس میں مختلف آسیان ممالک کے اعلیٰ سطحی وفود اور dignitaries کی شرکت متوقع ہے۔سرکاری خط میں کہا گیا ہے کہ اجلاس کی حساسیت، بین الاقوامی سطح کی سفارتی سرگرمیوں اور مہمان شخصیات کے پروٹوکول کو مدنظر رکھتے ہوئے فول پروف سکیورٹی اقدامات ناگزیر ہیں۔ اسی سلسلے میں 25 نشستوں پر مشتمل آرمرڈ کوسٹر اور تربیت یافتہ ڈرائیور کی فراہمی کی درخواست کی گئی ہے تاکہ دورانِ کانفرنس غیر ملکی مندوبین کی آمد و رفت بلا تعطل اور محفوظ طریقے سے یقینی بنائی جا سکے۔PSCA نے اس ضمن میں ایس پی آپریشنز، شفقت احمد چوہدری کو فوکل پرسن نامزد کیا ہے جو تمام اداروں کے درمیان رابطہ کاری اور سکیورٹی امور کی نگرانی کریں گے۔
اہم خبریں سے مزید