• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

آذربائیجان سے لیکر امارات تک ایران کے پڑوسی ممالک کی فضائیہ جدید ہوگئی

آج کا اخبار
اہم خبریں
19 نومبر ، 2025
کراچی (نیوز ڈیسک) ایران کی فضائیہ جون میں 12روزہ جنگ کے دوران اسرائیل کے مقابلے میں عملی طور پر بے بس تھی، امریکی میگزین کے مطابق تاہم آذربائیجان سے لے کر متحدہ عرب امارات تک ایران کے پڑوسی ممالک نے اپنی فضائیہ کو جدید ترین بنالیا ہے ، اسرائیل کیساتھ حالیہ جنگ کے بعد تہران کو اپنی فضائی طاقت اپ گریڈ کرنے کی ضرورت۔ ایران کے زیادہ تر پڑوسی ممالک نے زیادہ جدید فائٹر جیٹ طیاروں سے لیس فضائی افواج تیار کر لی ہیں، یا تیار کرنے کے عمل میں ہیں، جو تہران کی اپنی فضائی طاقت کو اپ گریڈ کرنے کی فوری ضرورت کو اجاگر کرتا ہے۔آذربائیجان نے 8 نومبر کو ایک فوجی پریڈ میں اپنے نئے جے ایف-17 سی بلاک III فائٹر جیٹ طیاروں کی نمائش کی، جو حال ہی میں پاکستان سے حاصل کیے گئے ہیں۔ باکو نے ان میں سے 40 جدید لڑاکا طیاروں کا آرڈر دیا ہے، جو متعدد جدید خصوصیات، بشمول الیکٹرانک طور پر اسکین کیے جانے والے ارے ریڈاروں پر فخر کرتے ہیں۔ تازہ ترین جے ایف-17 چین کے پی ایل-15 ای بیونڈ وِژول رینج ایئر ٹو ایئر میزائل کو بھی فائر کر سکتا ہے، وہی میزائل جو پاکستان نے مئی میں جھڑپوں کے دوران ہندوستان کے فرانسیسی ساختہ ڈاسالٹ رافیلز میں سے کم از کم ایک کو مار گرانے کے لیے استعمال کیا تھا۔
اہم خبریں سے مزید