کراچی ( اسٹاف رپورٹر) سونے کی درآمد و برآمد بحال، وزارتِ تجارت نے 6 مئی 2025 کو جاری کردہ ایس آر او 760کو منسوخ کردیا ہے ، برآمد کنندگان دوبارہ ان ٹرسٹمنٹ اسکیم کے تحت لازمی 120دن کی مدت سے فائدہ اٹھا سکیں گے۔تفصیلات کے مطابق۔پاکستان میں سونے سمیت قیمتی دھاتوں اور جواہرات کی درآمد و برآمد میں اصلاحات کے تناظر میں وزارت تجارت نے 2013 کے آرڈر میں ترامیم کرکے سونے کی امپورٹ ایکسپورٹ پر پابندی ختم کر دی۔ سابقہ نوٹیفکیشن فوری طور پر منسوخ کر دیا گیا ہے۔نوٹیفکیشن کے مطابق درآمدات کے لیے ضروری دستاویزات فراہم کرنا لازمی ہوگا، قیمتی دھاتوں اور جواہرات کی درآمد اور برآمد کے لیے متعلقہ اسکیمز کے تحت اجازت ہوگی۔آپریشنل مسائل کی صورت میں، متعلقہ کسٹمز افسر سے رضامندی حاصل کر کے ایک بار کسٹمز اسٹیشن تبدیل کیا جا سکتا ہے۔
فرمان الہی
نماز کے اوقات
