فرمان الہی
نماز کے اوقات
نیویارک (عظیم ایم میاں) نیویارک کے نومنتخب میئر ظہران ممدانی نے کہا ہے کہ صدر ٹرمپ کے بارے میں ملاقات سے پہلے جو کچھ میں کہہ چکا ہوں اب بھی اس پر قائم ہوں، ممدانی کے مطابق اب بھی ٹرمپ کو فاشسٹ ہی کہتا ہوں ۔ انہوں نے بتایا کہ امریکی صدر سےملاقات میں ہم نے نیویارک سٹی کے مسائل پر کھل کر بات کی ہے ،امیگریشن سے لیکر نیویارک کے شہریوں کی رہائش ، معیشت اور سیکور ٹی سمیت تمام امور پر واضح طور پر گفتگو ہوئی۔ ایک انٹرویو کے دوران ممدانی سے پوچھا گیا کہ آپ صدر ٹرمپ کو فاشسٹ سمجھتے ہیں؟ آپ نے صدر ٹرمپ کو جمہوریت کا دشمن اور دیگر ناموں سے بھی پکارا ہے۔ ظہران ممدانی نے واضح جواب دیتے ہوئے کہا کہ وہ جو کچھ کہہ چکے ہیں اس پر قائم ہیں ۔ ممدانی نے کہا کہ وہُ ماضی کی طرح شہر کو محفوظ درجہ کی پالیسی پر قائم ہیں لیکن شہر کے مختلف حصوں سے ملنے والی اطلاعات کے مطابق شہر کے مختلف حصوں میں امیگریشن حکام کے چھاپوں اور گرفتاریوں کی اطلاعات مل رہی ہیں ، مئیر ممدانی یکم جنوری کو عہدہ سنبھالیں گے۔
