• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

KCR اور کراچی تا سکھر ہائی اسپیڈ ٹرین منصوبے گیم چینجر ثابت ہونگے، شرجیل میمن

آج کا اخبار
اہم خبریں
27 نومبر ، 2025
کراچی (اسٹاف رپورٹر) سندھ کے سینئر وزیر شرجیل انعام میمن نے کہا ہے کہ کراچی سرکلر ریلوے اور کراچی تا سکھر ہائی اسپیڈ ٹرین منصوبے سندھ کے لیے گیم چینجر ثابت ہونگے، حکومت سندھ چاہتی ہے کہ عالمی بینک ان منصوبوں میں اپنا کردار ادا کرے کراچی میں عالمی بینک کے ایک اعلی سطح کے وفد کی سندھ کے سینئر وزیر اور صوبائی وزیر برائے اطلاعات، شرجیل انعام میمن سے ملاقات کی۔ ملاقات میں صوبے بھر میں اربن موبلٹی کی بہتری، ٹرانسپورٹ سسٹم کی مضبوطی اور مختلف ماڈلز پر تفصیلی گفتگو کی گئی۔ ملاقات کے موقع پر سینئر وزیر شرجیل انعام میمن نے عالمی بینک کے تعاون سے جاری یلو لائن بی آر ٹی منصوبے پر وفد کو بریفنگ دی۔ انہوں نے کہا کہ یلو لائن کے اہم حصے تاج حیدر پل کے ایک حصے کا کام مکمل ہو گیا ہے ، دوسرے حصے پر کام تیزی سے جاری ہے، یلو لائن بی آر ٹی سے متعلق فیصلے عوام اور منصوبے کے مفاد کو سامنے رکھ کر کیے جا رہیہیں۔ شرجیل انعام میمن نے کہا کہ منصوبے کی بروقت تکمیل کیلئے عالمی بینک کے مزید اور بروقت تعاون کی ضرورت ہے، عوام کو سستی اور تیز ترین سفری سہولیات فراہم کرنا حکومت سندھ کا واضح عزم ہے۔ ان کا کہنا تھا کہ حالیہ سال وفاقی حکومت کی جانب سے گرین لائن بی آر ٹی کا آپریشن سندھ حکومت کے حوالے کیا گیا ہے۔
اہم خبریں سے مزید