• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

محکمہ ایکسائز کی 5 کارروائیاں، 35 کلو منشیات برآمد، 6 ملزمان گرفتار

میرا شہر
پشاور
27 نومبر ، 2025
پشاور (خصوصی نامہ نگار) صوبائی حکومت کی منشیات کے خلاف زیرو ٹالرنس پالیسی پر عملدرآمد کرتے ہوئے محکمہ ایکسائز خیبر پختونخوا نے صوبہ بھر میں منشیات فروشوں، ڈیلروں اور سہولت کاروں کے خلاف کارروائیاں تیز کر دی ہیں۔ محکمے کے مطابق ایک دن میں محکمہ کے ایکسائز انٹیلی جنس بیورو نے پراونشل انچارج سعود خان گنڈاپور کی نگرانی میں پانچ بڑی کارروائیاں کرتے ہوئے بھاری مقدار میں آئس، ہیروئن اور چرس برآمد کرلی جبکہ چھ ملزمان کو گرفتار کرکے مقدمات درج کردیئے گئے۔پہلی کارروائی میں 6000 گرام ہیروئن اور 3000 گرام آئس برآمد کی گئی،دوسری کارروائی میں 19,200 گرام چرس اور 500 گرام آئس قبضے میں لے لی گئی، تیسری کارروائی کے دوران 4800 گرام چرس برآمدکی گئی جبکہ چوتھی کارروائی میں 500 گرام آئس پکڑی گئی، پانچویں کارروائی میں ہزارہ ریجن کے ایک تعلیمی ادارے کے طلباء کو آئس کی ترسیل اور فروخت میں ملوث دو ملزمان سے 1000 گرام آئس برآمد کرلی گئی۔محکمہ ایکسائز کے مطابق مجموعی طور پر 5000 گرام آئس، 6000 گرام ہیروئن اور 24,000 گرام چرس برآمد کرتے ہوئے چھ ملزمان کو موقع پر گرفتار کرکے ان کے خلاف مقدمات درج کر لئے گئے ہیں۔
پشاور سے مزید