فرمان الہی
نماز کے اوقات
کراچی (اسٹاف رپورٹر)سندھ ہائیکورٹ نے شوگر ملز کی ان لینڈ فریٹ سبسڈی کی عدم فراہمی کے خلاف درخواستوں پر 16 شوگر ملز کی سبسڈی کی درخواستیں خارج کردیں،عدالت کا کہنا تھا کہ بظاہر سبسڈی کے لیے منظور شدہ گرانٹ وقت گزرنے کے ساتھ ازخود ختم ہو چکی ہے، عدالت وفاقی حکومت کو سپلیمنٹری گرانٹ کا حکم نہیں دے سکتی، طے شدہ قانون ہے کہ سبسڈی فائدہ ہے بنیادی حق نہیں، آئین کے آرٹیکل 199 کے تحت گرانٹ کے لئے وفاقی حکومت کو رٹ جاری نہیں کی جاسکتی۔ای سی سی منظوری کے باوجود سبسڈی روکنے پر شوگر ملز نے درخواستیں دائر کی تھیں،ٹڈاپ کے وکیل نے موقف اختیار کیا کہ وفاقی حکومت نے چینی کی برآمد کے لئے سبسڈی کا اعلان کیا تھا، نیب انکوائری کی بنیاد پر شوگر ملز کو سبسڈی کا اجرا روک دیا گیا ، ٹڈاپ نے وزارت تجارت کی ہدایت پر سبسڈی کا اجرا روکا تھا، فنڈز کی موجودگی اور وزارت تجارت کی اجازت کے بعد ہی سبسڈی جاری کی جاسکتی ہے۔
